अभ्युदयनगरमध्ये स्थापन झालेल्या संघाचे उद्देश्य खालीलप्रमाणे आहेत.

१) अभ्युदय नगर कार्यक्षेत्रातील सभासद संस्था आणि रहिवाशी यांचे कल्याणार्थ व आरोग्य उत्तम राखण्यासाठी नागरी समस्या सोडविणे व त्याकरिता आवश्यक त्या उपायांची व मार्गाची योजना करणे व कार्यकर्त्यांची बांधणी करणे.

२) अंतर्गत रस्ते, गटारे, पाणी पुरवठा व विद्युत पुरवठा याची देखभाल विधेयक दुरुस्ती व संबंधित पुरवठा संस्थेची देयके देणे.

३) अभ्युदयनगरमधील रहिवाश्यांचे व जनतेचे आरोग्य उत्तम ठेवण्यासाठी प्रयत्न करणे.

४) समाज मंदिर हॉल, वाचनालय व व्यायामशाळा चालविणे.

५) संस्थेचे व्यवस्थापन आणि सामाजिक सोयी व सुविधा आणि कायदेविषयक आणि तांत्रिक बाबी संबंधात सभासद संस्थांना मार्गदर्शन करणे.

६) संस्थेचे उद्येशपूर्तीकरिता सदर सभासद संस्थांच्या नियतकालिका / वळोवेळी सभा व परिषद भरविणे.

७) सदर संघ आणि सभासद संस्थेचे मिळकतीचे संरक्षणाकरीता सुरक्षा उपाय योजणे.

८) अभ्युदयनगरातील रहिवाशांमध्ये एकमेकांशी सामाजिक संबंध यावेत, सुधारावेत व वाढीस लागावेत म्हणुन स्पोर्ट क्लब स्थापुन खेळासाठी मैदानाची सोय करणे, वळोवेळी सांस्कृतिक कार्यक्रम, मैदानी खेळाची स्पर्धा, नाट्य स्पर्धा, स्नेह संमेलन इत्यादि आयोजित करणे आणि पुरस्कार करणे.

९) राष्ट्रीय उत्सव पार पाडणे.

१०) शिक्षणातील विशेष प्राविण्याबद्दल विद्यार्थ्यांना पारितोषिके शिष्यवृत्त्या देणे.

११) अभ्युदयनगरातील रस्त्याच्या दोन्ही बाजुच्या कडेने वृक्षारोपण करणे व त्याचे रक्षण करणे.

१२) अभ्युदयनगर सहकारी गृहनिर्माण संस्थाचा संघ मर्यादित या संघीय संघ संस्थेच्या सभासद संस्थांच्या सर्वसाधारण सभेने ठरावानुसार त्यांच्या संस्था इमारतींचा एकत्रित पुनर्विकास करण्यासाठी, सभासदांसाठी घर, इमारत बांधणे, पुनर्रचना, पुनर्बांधनी / पुनर्विकास करणे आणि त्याबाबतची धोरणे आखणे व अंबलबजावणी करण्यासाठी संघाने समन्वय व मार्गदर्शक म्हणुन कार्य करणे, काम पाहणे तसेच महाराष्ट्र सहकारी संस्था अधिनियम १९६० चे कलम ७९(अ) अन्वयेचे शासन परिपत्रक ०३ जानेवारी २००९ च्या प्रक्रिया राबविण्यासाठी सर्व सभासद संस्थांच्या इमारतींचा एकत्रित पुनर्विकास करण्यासाठी सभासद संस्थांचे प्रतिनिधीत्व करणे.

१३) पुनर्विकासाचे करारपत्रे , समझोता पत्ते व आवश्यक ते तद्नुषंगित पुनर्विकास संबंधित कायदेशीर कागदपत्रे व अभिहस्तांतरण कागदपत्रे इत्यादी करणे सहकार्य / विधिसाह्य करणे तसेच संघ कार्यक्षेत्राअंतर्गत वसाहतींच्या अभिन्यासावरील भूखंड, सुविधा भूखंड, अधिकारी क्षेत्रातील सक्षम प्राधिकरणाच्या व संस्थांचे या मंजुरीने विकसित करणे.